Programa Emega

Dende Woman Emprende prestamos información, asesoramento e orientación a todas as beneficiarias da Axuda EMEGA 2020.

O obxectivo do Programa Emega é apoiar a posta en marcha, a mellora e a reactivación de iniciativas empresariais constituidas por mulleres, xunto co impulso doutras medidas para favorecer a concilicación da vida persoal, familiar e laboral. A finalidade desta axuda concedida pola Secretaría Xeral de Igualdade da Xunta de Galicia, é que aquelas mulleres que teñan unha idea empresarial poidan materializala e contribuan ao mesmo tempo a xerar riqueza.

Desde o ano 2009 ata o 2020 subvencionáronse 902 proxectos empresariais, que xeraron 1550 postos de traballo. Dende o ano 2016 ata o 2020 destinouse un importe total de 7.074.500 euros.

Esta axuda inclue un servizo de titorización e seguemento a todas as emprendedoras beneficiarias da mesma, por parte do programa Woman Emprende da USC.