VII Feira de Emprendedoras de Compostela: Un modelo económico arredor dunha vida saudábel

26 SETEMBRO (10:00 – 18:00 h), na Aula Magna da Facultade de Química da USC.

O Concello de Santiago e a Universidade de Santiago de Compostela, colaboran para impulsar unha nova edición da Feira de Emprendedoras de Compostela.

Nesta VII edición:

1. Amosaremos ferramentas de prevención nas que están traballando día a día as persoas expertas nas diferentes áreas da saúde, a prevención e o benestar. Coñéceas de primeira man!
2. Coñeceremos, da man de profesionais de cada materia, ferramentas de vida saudábel e prevención que temos ao noso alcance.
3. Escoitaremos experiencias de vida, de xiros vitais para acadar unha vida mais humana.
4. Focalizaremos en como os coidados empezan por protexer os océanos e as súas criaturas (con @rogeliosantosqueiruga), a terra e as nosas hortas (con @nuskachousa e @hortasan_benestar), a saúde mental (con diferentes profesionais da psicoloxía e psiquiatría) e ás persoas mais vulnerables.

A VII Feira de Outono das Emprendedoras de Compostela ten como obxectivo: repensar a economía desde unha perspectiva que pon o foco na saúde e o benestar das persoas. Nesta edición, exploraremos como construír a un modelo económico sostible que xire arredor dunha vida saudábel, poñendo no centro ás persoas e a súa calidade de vida.

ENTRADA LIBRE ao público.

• 26 SETEMBRO (10:00 – 18:00 h)
• Na Aula Magna da Facultade de Química da USC

E se non podes asistir presencialmente: sigue a retransmisión en directo por streaming